काठमाडौंमा सबैभन्दा ठूलो समस्या मध्ये एक हो खानेपानी। बाहिर निस्कदा पानी किनेर खानुपर्छ। पैसा हुनेले तिरेर खाएपनि नहुनेलाई भने तिर्खाएरै बस्नुपर्ने बाध्यता छ। अब भने त्यो समस्या समाधान हुने भएको छ।

काठमाडौं महानगरपालिका र काठमाडौं उपत्यका खानेपानी व्यवस्थापन बोर्डको समन्वयमा बिहीबार महानगर क्षेत्रमा स्मार्ट वाटर भेन्डिङ् मेसिन (वाटर एटिएम) स्थापना भएको छ। बिहीबार एक कार्यक्रमकाबीच महानगरको रत्नपार्क, स्वयम्भु र बालाजुमा वाटर एटिएम संचालनमा आएको हो। त्यस्तै बानेश्वर र शंखपार्कको निर्माण कार्य अन्तिम चरणमा पुगेको महानगरले जनाएको छ।

महानगरले वाटर एटिएमको लागि गत वर्ष चैत १० गते काठमाडौं उपत्यका खानेपानी व्यवस्थापन बोर्डसँगको सम्झौता गरेको थियो। लकडाउनको कारणले सम्झौता कार्यान्वयन हुन सकेको थिएन।

कसरी प्रयोग गर्ने वाटर एटिएमरु

सिक्का साट्ने मेसिनमा ५ रुपैयाँको नोट राखेपछि मेसिनले एक रुपैयाँको ५ वटा सिक्का दिन्छ। आफूसगँ बोत्तल छैन भने गिलासको मेसिनका एक रुपैयाँ खसालेपछि गिलास निस्कन्छ। त्यो गिलासलाई पानिको मेसिनमा लगेर एउटा सिक्का खसालेको ८ सेकेन्ड पछि २ सय मिलिलिटर पानी आउँछ। त्यस्तै एक लिटर पानि चाहिएमा ५ वटा सिक्का लगातार खसालेपछि पानि थाप्न सकिन्छ।यो सेवासगैँ एक वोटल पानीको २०–२५ रुपैयाँ तिर्नु पर्ने बाध्यता हट्ने महानगरको विस्वास छ।

0 0 vote
Article Rating
Subscribe
Notify of
guest
0 कमेन्ट गर्नुहोस्
Inline Feedbacks
View all comments
0
Would love your thoughts, please comment.x
()
x
Copy link
Powered by Social Snap