धरान । धरानमा मोबाईल मर्मत र सिलाई कटाई तालिम सुरु भएको छ ।

हिजो (शुक्रबार)बाट सुरु भएको मोबाईल मर्मत तालिममा ४० जना युवायुवतीहरु सहभागि छन् भने एक हप्ता अघिबाट सुरु भएको सिलाई कटाई तालिममा २० जना महिलाहरु सहभागि भएका छन् । नेपाल सरकारको उद्योग, वाणिज्य तथा आपूर्ति मन्त्रालय अन्तर्गतको समृद्धि परियोजनाको सहयोग तथा हेल्भाटास नेपालको प्राविधिक सहयोगमा धरान १५ स्थित पूर्वाञ्चल बहुप्राविधिक तालिम केन्द्रमा तालिम सञ्चालन भइरहेका छन् ।

तालिमका संयोजक गणेश तामाङका अनुसार ४० जनालाई दुई समुहमा विभाजन गरेर बिहान र बेलुका आजबाट मोबाइल मर्मत तालिम दिन सुरु गरिएको हो । मोबाइल मर्मत तालिममा १२ जना युवतीहरुले समेत सहभागिता जनाएका छन् । प्रशिक्षार्थीहरुलाई सिटिभिटिको पाठ्यक्रम अनुसार ३ सय ९० घण्टा (६५ दिन) समय अवधिभर तालिम दिईने तामाङले बताउनुभयो । उहाँले अहिले समृद्धिको प्रोजेक्ट अन्तर्गत दुई वटा तालिम दिन थालिएको जानकारी दिनुभयो ।

धरान उपमहानगरपालिकाका सामाजिक शिक्षा अधिकृत भक्तिराज शर्माले तालिम उपलब्धीमुलक र आत्मनिर्भर बन्न सहज हुने बताउनुभयो । तालिमको अनुगमन तथा निरिक्षण धरान उपमहानगरपालिकाले गर्ने उहाँले बताउनुभयो । उहाँले भन्नुभयो, ‘यो कार्यक्रम विषेश गरेर टाइम पासको लागि मात्र हैन, यसले भोली गएर हामि आफ्नै स्थानीय तहमा केही गर्छौ, जसले चाँही गर्दा भोलि गएर स्वरोजगार हुन्छौं ।’ उहाँले तालिममा सहभागि भएकाहरुलाई ६५ दिने तालिम सकिएपछि सहभागिहरुको धरान उपमहानगरपालिकामा अभिलेख राख्ने बताउनुभयो । ‘उपमहानगरपालिकाले पनि मन्त्रालयसँग सहकार्य गरेर यस्तै तालिमका प्याकेजहरु सञ्चालन गर्छौ’ उहाँले भन्नुभयो ।

0 0 vote
Article Rating
Subscribe
Notify of
guest
0 कमेन्ट गर्नुहोस्
Inline Feedbacks
View all comments
0
Would love your thoughts, please comment.x
()
x
Copy link
Powered by Social Snap